بقلم :
وحده من منتدى مادري شسمها خخ
هذي انا الله يسلمكم قاعدتن بلحالي ذات صبااح و كتيت هالخمبقة اللي مدري وش تبي بس قلت يله
انشــــــــــــره و ترى لهـــــــــا هدف اجتـــــــــــماعي<<<<<<امحـــــــــــــق!!
اتمنى قصتي مع صلوحي "ولد جيراننا" توسع خششكم و تنبسطون و تدعون لي<<<
كل من طرى عليه قــــال ادعوا لي !!
يوم أني صغنطوطه , أولى ابتدائي , وقبل ما ترن صفيره المطرسة معلنة الطولعة ,
وأنا مرتزتن قدام الأبله ومركزتن معه وعييناتي طايرتن
صوب السبورة أنقل حرف آلفون بائون, إلا ويطق باب الفصل وتطل بنية دبيه
وحاطتن قرون العنز >>>>كانت صيحة بالتسريحات في ذاك الوقت .
أم قرون العنز هذي صديقتي حصوص الله يذكره بالخير , بنتن سنافيه
تنحط على الجرح ويبرى , وقائدة شلتنا المكونة مني
( أمورة المزيونة) ومن نوير وسوير >>>ياحبيلها سوير الى يومتس
وهي تقول لاتسمونن سوير يالقراوى! سمون سوسو!
الموهيم : وتطل حصوص مع باب الفصل وترى عشان الباب صبخ (صقع) بالجدار من
فتحتها مو معناته أنها مافتحته بأدب...!!
حصوص : أبله!
الأبله: خير حصة وش مطلعتس من فصلتس!
حصوص : أبله, المديرة تبغى اميرة .
الأبله (عارفتن حركات حصوص): ليش؟
حصوص : أبله أبوها مات اليوم.
الأبله تقوم ودموعها تتدحرج من عويناته , وتخمن( تضمن)
لين طلعت روحي من ريحته (الحصة السادسه ماتنلام )..
ألأبله : روحي ياحبيبتي , أمسكيها زين حصوص.
اميرة مشدوهة ولسانه مبلوع من الصدمة : حصوص من قتل أبوي؟
حصوص : وش قتل أبوتس يالدبشه , أنا جايتن أطلعتس عشان عندي خطه اليوم!
اميرة : وش خطته , يالتسلبه أبله رقيه مرة أبو نوير , ودريشة بيته
بوجه دريشة بيتنا من ورى , يعني أذا رفعت رأسها
بتشوف أبوي يتحرك! ,,,رايحة لبعيد طيب قولي بتوصلها الأخبار! .
حصوص : أخ ماعليتس منه يالله أمشي صفرت <<<ماتسوى الهجه!
حصوص: أسمعي اليوم سوير غايبه , يعني محد راح يعلم علينا إذا رحنا للبقاله !
اميرة تبرطم : مامعي فلوس , خلصت فسحتي !
حصوص : ومن قال أننا نحتاج فلوس , أنتي أمشي معي زي الطرطوره وسوي الي أقولتس عليه!
ومشينا أنا أختكم الطرطوره وحصوص للبقاله, ويوم جينا نوصل وتقولي حصوص :
شوفي امورة قشي قش اليوم , كل شي تبينه خوذي
منه حبتيتن لي ولتس ولاخلصتي وحطهن راعي البقاله بالكيسة أغمزيلي وأطلعي , خلاص يالطرطوره؟
خلاص حصوص!
وأخذلي حبتين حلاوة مصاص وكيستين حلاو بيبسي وثنين شاني ووو
أسمع حصوص تنحنح يعني أخلصي , ومير أطير
وألقط واحد فش فاش كريك كراك والتفت على حصوص قلت بصوت وصل الجيران
: حصوص يالله الحين أبغمز لتس! حصوص تطلع عييناته وتحمر ومير أغمز له وأطلع
ويجيني صوت راعي ألبقاله :هي أنت صديق فين روه؟
حصوص : راحة روحك يا قارورة الزيت أنت , فلوسها معي!خذها!
وتجدع عليه أوراق دفتر مسفطه (ملفوفة) وتصرخ ياللــــــه
امورة أطلقي لساقيك العنان!
والمسيكين يراكض ورآنا وحنا داقينها ركض بس ربي ستر حيث أن عيال جيرانا دحيم وعزوز(أخو حصوص )
ومعهم واحدن أسمه ولد أبو صالح كانوا ناصين البقاله ويوم شافهم الهندي قال يهونون البنيات ,
سرقن على قدهن المسيكينات! ذولا حتى قفل الباب بيتحسفون به أشوى ويرجع مهزوم لبقالته.
وأنا ياللي أوقف أنا وحصوص ونلتقط أنفاسنا الزمردية>>أوخص !
ونتغبى ورى شجرة بيت أهل حصوص نلتهم وجبتنا! ثواني إلا وكل شي خالص بس بقى الكريك كراك ,
واللي للأفس ما أسعفني الوقت أني أخذ لحصوص منه , وعشان كذا طلعته وبديت أكله
وحصوص مهيب مصدقتن المنظر!
حصوص : خيــــــــــــــــــر؟ امورة: خير ياطير , فشفاشي! حصوص:
ههاي حبيبتي أنا اللي دافعه فلوسه!>>>علينا يالحرميه!خخ
اميرة : ايه بس أنا اللي شريته>>>أحلــــــــــــــــــــــــــــى!خخ
هاتيه ! لأ ! أقول هاتيه! لأ ...
ونتلاقط أنا وصقيقتي ونتماعط الشوش! وتمخشن وأعضه وتصرخ وأصرخ ........
وتطب علي حصوص ووزنه الله ياخذها مره قليل
لدرجة أن عيوني جحظت! قلت هذي عاد الخاتمه وأقعد أصيح من تحت الركام ولاأحد يسمعن
وتجيني فكره! وأقبص هالدبيه مع رجله وتنقز نقزه ومامداني ألتقط أنفاسي الا وعزوز
هو وحصوص متجهين , قلت خلاص دبي ودبيه قضي علي!
وأتشهد الا ويجيني عزوز قال وراتس تضربين أختي المسيكينه!
اميرة : كل تبن أنت وأختك هي الي سرقت من البقاله !
عزوز (يلتفت على أخته باعجاب واحترام لموهبتها) ويطبون علي هالدببه ,
ويوم خلاص بديت أشوف فراشات فضيه
تدور فوق راسي الا ويجي هالولد ابو القراعيط (شعره فلافل )
ويقول : هيه وشبكم على البنت ؟
ويدخل المعركة ويتلاعنون هو وعزوز وحصوص وأطلع أنا من بينهم سالمه وأركض لبيتنا وأخلي الدرعا ترعى
ولا أدري وش صار على المعركة الحامية لكن بالتأكيد أدري أن أبو القراعيط صار خلاص فارسي الوسيم
حتى قراعيطة صارت بعيوني زي شعر هذاك اللي يجي بدعاية " بانتين "!!
وأطير لم أميمتي قلت يمه منهو ذاك اللي دايم يجي مع هيله مرة أبو صالح؟ قالت :
ايابنيتي لدبيشه هذا ولدهم صالح!
قلت أنتي متعكده ولدهم صالح شعره فلافل؟؟! قالت : ايه يابنيتي هو بزاتو,
بس لاتقربينه تراه شيطون بلحمه ودمه.
ياي يمه وش هالحتسي بس! الله يسامحتس! خلاص من اليوم ورايح بيصير صديقي بدال هالدبيه حصوص...
وأنا راجعتن من المطرسه إلا وأقابل صلوح وقراعيطه تبرق وأبتسم له ذيك
البسمة اللي خلت كل السوس يطلع وينسحر الوليد قلت :
صلوحي أود أن أشكرك على فزعتك لي البارحة , ياله من جميل لا أعرف كيف أرده لك يا أسطى!
صلوحي : لا متعتليش هم , ثكلتس أميمتس يالمرجوجه لاعمرتس
تسرقين شي( وي على أخلاقه , دا حتة جنتل محصلتش!)
إذا بغتين تسرقن شي أنتي والدبيه قولولنا أنا وعزوز نسرق لكن , فضحتونا !
الموهيم وتتوطد صداقتي أنا وصلوح وتتصفد عرى صداقتي أنا والدبيه حصوص
الموهيم ولا أميمتي جامعتن أم صويلح وأم عزوز وأم نويصر للسهرة ,,,خخخ مايتركن فلم
مصري مايفصفصن ويتكركثن (ياكلن كراث )
عليه مع الزنجبيل, ويقعدن يحشن برجالهن , همن لا جاء مقطع مهب اللي,
صرفونا أنا وصلوح وسوير وحصوص الدبيه وعزوز الجحش!
ودي بس أدري ليش وكلنا نطلع إلا صلوح ماأدري ليش يعيي (يرفض) يطلع! خخ
إلا ويجي ذاك اليوم ويعرض التلفزيون فلم السهرة ميرفت أمين تحبلها ذاك أبو شوارب ,
وهات يالصياح أمي ورفيقاتها وحنا
(أنا وعزوز وحصوص وسوير ) ماندري ليش , وصلــــــــــــــوح عيونه تلاقط من
التركيز التسلب فاهم السالفه شكله
ويجي باتسر ويلحقني صلوح قال تعالي أبقولتس شي لاتعلمينه أحد!<<هالخسيس!هه
عاد ياحبي للأسرار اللي أول ماتوصل لمستودعها الأمين تسرب>>والله ماأدري من يسربها
- ايه وش عندك صلوح؟
- شفتي الفلم اللي أمس وشلون البطل والبطله يحبون بعض؟
- ايه!!
- خلاص وش رايتس نبدأ نحب بعض؟
- خلاص أزهله (خخخخ) بس متى نبدأ نحب بعض؟
- ههههههههههههههاي , من الان يالدبشه!
- (بقلبي : أموت على البدايه الرومنصيه!) لا الآن عندي واجبات ماأقدر أحبك أسفه !
- خلاص بكره إذا طلعتي من المدرسة أمرتس!
- وشو له؟
- لأننا نحب بعض!
- يعني تسرق لي شي من ألبقاله.
- أيه أصرقلتس البقاله كلها إن بغيتي .
- خلاص أجل أنا أحبك صدز
- عمأ صدز ماتستحين ودلخة أنا اللي مفروض أقولتس أحبتس قبل.
- أحمد ربك بس أنت وقراعيطك!صدق ناس ماتنعطى وجه
ويجي بكره وأطلع من مطرستي الا وصلوحي متزكرت وقاعدن يحتريني , ومير تحمر خديداتي
وأقول لسوير ونوير والدبه حصوص : يالله بنات أبروح مع حبيبي زي ميرفت أمين.
وأنا ياللي أقفز ببهجة الغرام لين نصيته وهو متغبي ورا سياره , عشان الفراش
مايشوفه ويلعن أمن جابته!
وتطير عيونهن البنات يوم شافني صادزه ويركضون يطقون على باب بيتنا ماأدري ليش!
وأروح أنا وصلوح في أجمل رحله بديناها بالبقاله وبعدين خلصت الأماكن الساحيه ولا ندري وين نروح ,
عاد أنا أقترحت عليه اننا نروح للسينما زي سوزي هي وحمدي.
وأعجبته الفكره بس عاد مالقينا سينما<<صدز والله؟
المهيم قال صلوح مافيه الا تلفزيوننا يجي فيه الليث الأبيض قوه نشوفه .
ومشينا ولسان حالنا يقول " ياسلام وياسلام ......أد ايه حلو الغرااااااااااااااااااااام"
ايه والله وتفرح بي أم صلوح وتحطلنا الغداء وأتغدى عندهم ويوم صار العصر وتذكر ان لي أهل
وأودع قطعة قلبي صلوح وأروح , الا وأثر ابوي وأمي طاقتن عروقهم !
- وينتس؟
- ببراءه : مع حبيبي !
-ويزبد أبوي ويلتقط أنفاسه ويقردني عشان أعطيه العلوم : حبتس القراده, منهو حبيبتس؟
-صالح ولد أبو صالح!
- التسلب ! طالع على أبوه راعي حريــــــــــــــــــــــــــــــــــــــــــــم!!
هذا وتوه مابلغ وش بقى لبعدين!
أنا أفكر " معأوله؟ معأوله أبو صالح يطلع كده؟ لا لأ لازم أسأ ل صلوح يمكن فيه لبس!"
وتلقطني أمي قالت وين رحتوا ووين جيتوا , وبالأخير وصوني أني ماأقرب هالولد لأنه معه
الدكتوراه بالصياعه !
وأنا ياللي أمشي راجعتن من المطرسه ويجيني صلوح ..
- وش بتس مبرطمه!
- طس أنت شرير وأبوي يقول أن أبوك حرمه!
- حرمه؟
- أيه حرمه , مره , وومن, مدموزيل !
- خخخ , لأ أجل يمكن أمي هي الرجل!
- ياربيه! حتى أمك طلعت رجل !أنت عايش معهم من زمان ولا تدري عنهم.
- أقول بس يالدبشه قوه نستانس زي أمس!
- لأ مستحيل , أهلي بيذبحوني!
- ايه هذا اللي صار بالفلم و هربت البطله مع البطل! وش رايتس نهرب ؟
- اللـــــــــــه! بس وين نروح؟
- ماأدري بس أهم شي أننا نهرب, خلاص روحي لبيتكم وجيبي الأغراض اللي
تبينهن ولايدرون أهلتس خليه سر!
- طيب , طيب! ياسلاااااااااااااااااام أبهج
وأنا ياللي أطير لبيتنا ,اخذ كم خلق وفرشاة شعري وأحطهن بشنطة المطرسه وأطلع بخفوت ..
وأنا طالعه وأسمع أبوي وأمي بالصاله وأدخل عليهم ..
قلت : يبه يمه مع السلامه!
-ويــــــــــــــــــــــــــــــــن؟
-أبهج أنا وصلوح بس لاتعلمون أحد!ويمكن أرجع لكم بس مهب قريب ,
بس قلتلكم عشان ماتحتروني على الغداء مرة ثانيه!
<<بالله قد شفتوا زي هالثقة!!
-أبوي الشرر يتطاير من عيونه وأمي فاطستن ضحك , دادي : هو اللي قالتس الفكره؟
-ايه هو , هو يقول وش زود سوزي وحمدي عنا!
- أقول انثبري هنيا , خلي أروح أشوف لي صرفه مع هالصايع هو وأبوه.
طن طن! ويطلع أبوي وعقبه الولد اذا اشافني ارتاع وصارت أمي ورفيقاتها يصرفوننا من
بداية فلم الصهره >>>برضه ماأدري ليش
وانتهت السالفة واستروا ماواجهتوا
و ترااها خمبقة ماحصلتش على أرض الواااقع’’
والله اعجبتني هالقصه مره
م
ن
ق
و
ل
وحده من منتدى مادري شسمها خخ
هذي انا الله يسلمكم قاعدتن بلحالي ذات صبااح و كتيت هالخمبقة اللي مدري وش تبي بس قلت يله
انشــــــــــــره و ترى لهـــــــــا هدف اجتـــــــــــماعي<<<<<<امحـــــــــــــق!!
اتمنى قصتي مع صلوحي "ولد جيراننا" توسع خششكم و تنبسطون و تدعون لي<<<
كل من طرى عليه قــــال ادعوا لي !!
يوم أني صغنطوطه , أولى ابتدائي , وقبل ما ترن صفيره المطرسة معلنة الطولعة ,
وأنا مرتزتن قدام الأبله ومركزتن معه وعييناتي طايرتن
صوب السبورة أنقل حرف آلفون بائون, إلا ويطق باب الفصل وتطل بنية دبيه
وحاطتن قرون العنز >>>>كانت صيحة بالتسريحات في ذاك الوقت .
أم قرون العنز هذي صديقتي حصوص الله يذكره بالخير , بنتن سنافيه
تنحط على الجرح ويبرى , وقائدة شلتنا المكونة مني
( أمورة المزيونة) ومن نوير وسوير >>>ياحبيلها سوير الى يومتس
وهي تقول لاتسمونن سوير يالقراوى! سمون سوسو!
الموهيم : وتطل حصوص مع باب الفصل وترى عشان الباب صبخ (صقع) بالجدار من
فتحتها مو معناته أنها مافتحته بأدب...!!
حصوص : أبله!
الأبله: خير حصة وش مطلعتس من فصلتس!
حصوص : أبله, المديرة تبغى اميرة .
الأبله (عارفتن حركات حصوص): ليش؟
حصوص : أبله أبوها مات اليوم.
الأبله تقوم ودموعها تتدحرج من عويناته , وتخمن( تضمن)
لين طلعت روحي من ريحته (الحصة السادسه ماتنلام )..
ألأبله : روحي ياحبيبتي , أمسكيها زين حصوص.
اميرة مشدوهة ولسانه مبلوع من الصدمة : حصوص من قتل أبوي؟
حصوص : وش قتل أبوتس يالدبشه , أنا جايتن أطلعتس عشان عندي خطه اليوم!
اميرة : وش خطته , يالتسلبه أبله رقيه مرة أبو نوير , ودريشة بيته
بوجه دريشة بيتنا من ورى , يعني أذا رفعت رأسها
بتشوف أبوي يتحرك! ,,,رايحة لبعيد طيب قولي بتوصلها الأخبار! .
حصوص : أخ ماعليتس منه يالله أمشي صفرت <<<ماتسوى الهجه!
حصوص: أسمعي اليوم سوير غايبه , يعني محد راح يعلم علينا إذا رحنا للبقاله !
اميرة تبرطم : مامعي فلوس , خلصت فسحتي !
حصوص : ومن قال أننا نحتاج فلوس , أنتي أمشي معي زي الطرطوره وسوي الي أقولتس عليه!
ومشينا أنا أختكم الطرطوره وحصوص للبقاله, ويوم جينا نوصل وتقولي حصوص :
شوفي امورة قشي قش اليوم , كل شي تبينه خوذي
منه حبتيتن لي ولتس ولاخلصتي وحطهن راعي البقاله بالكيسة أغمزيلي وأطلعي , خلاص يالطرطوره؟
خلاص حصوص!
وأخذلي حبتين حلاوة مصاص وكيستين حلاو بيبسي وثنين شاني ووو
أسمع حصوص تنحنح يعني أخلصي , ومير أطير
وألقط واحد فش فاش كريك كراك والتفت على حصوص قلت بصوت وصل الجيران
: حصوص يالله الحين أبغمز لتس! حصوص تطلع عييناته وتحمر ومير أغمز له وأطلع
ويجيني صوت راعي ألبقاله :هي أنت صديق فين روه؟
حصوص : راحة روحك يا قارورة الزيت أنت , فلوسها معي!خذها!
وتجدع عليه أوراق دفتر مسفطه (ملفوفة) وتصرخ ياللــــــه
امورة أطلقي لساقيك العنان!
والمسيكين يراكض ورآنا وحنا داقينها ركض بس ربي ستر حيث أن عيال جيرانا دحيم وعزوز(أخو حصوص )
ومعهم واحدن أسمه ولد أبو صالح كانوا ناصين البقاله ويوم شافهم الهندي قال يهونون البنيات ,
سرقن على قدهن المسيكينات! ذولا حتى قفل الباب بيتحسفون به أشوى ويرجع مهزوم لبقالته.
وأنا ياللي أوقف أنا وحصوص ونلتقط أنفاسنا الزمردية>>أوخص !
ونتغبى ورى شجرة بيت أهل حصوص نلتهم وجبتنا! ثواني إلا وكل شي خالص بس بقى الكريك كراك ,
واللي للأفس ما أسعفني الوقت أني أخذ لحصوص منه , وعشان كذا طلعته وبديت أكله
وحصوص مهيب مصدقتن المنظر!
حصوص : خيــــــــــــــــــر؟ امورة: خير ياطير , فشفاشي! حصوص:
ههاي حبيبتي أنا اللي دافعه فلوسه!>>>علينا يالحرميه!خخ
اميرة : ايه بس أنا اللي شريته>>>أحلــــــــــــــــــــــــــــى!خخ
هاتيه ! لأ ! أقول هاتيه! لأ ...
ونتلاقط أنا وصقيقتي ونتماعط الشوش! وتمخشن وأعضه وتصرخ وأصرخ ........
وتطب علي حصوص ووزنه الله ياخذها مره قليل
لدرجة أن عيوني جحظت! قلت هذي عاد الخاتمه وأقعد أصيح من تحت الركام ولاأحد يسمعن
وتجيني فكره! وأقبص هالدبيه مع رجله وتنقز نقزه ومامداني ألتقط أنفاسي الا وعزوز
هو وحصوص متجهين , قلت خلاص دبي ودبيه قضي علي!
وأتشهد الا ويجيني عزوز قال وراتس تضربين أختي المسيكينه!
اميرة : كل تبن أنت وأختك هي الي سرقت من البقاله !
عزوز (يلتفت على أخته باعجاب واحترام لموهبتها) ويطبون علي هالدببه ,
ويوم خلاص بديت أشوف فراشات فضيه
تدور فوق راسي الا ويجي هالولد ابو القراعيط (شعره فلافل )
ويقول : هيه وشبكم على البنت ؟
ويدخل المعركة ويتلاعنون هو وعزوز وحصوص وأطلع أنا من بينهم سالمه وأركض لبيتنا وأخلي الدرعا ترعى
ولا أدري وش صار على المعركة الحامية لكن بالتأكيد أدري أن أبو القراعيط صار خلاص فارسي الوسيم
حتى قراعيطة صارت بعيوني زي شعر هذاك اللي يجي بدعاية " بانتين "!!
وأطير لم أميمتي قلت يمه منهو ذاك اللي دايم يجي مع هيله مرة أبو صالح؟ قالت :
ايابنيتي لدبيشه هذا ولدهم صالح!
قلت أنتي متعكده ولدهم صالح شعره فلافل؟؟! قالت : ايه يابنيتي هو بزاتو,
بس لاتقربينه تراه شيطون بلحمه ودمه.
ياي يمه وش هالحتسي بس! الله يسامحتس! خلاص من اليوم ورايح بيصير صديقي بدال هالدبيه حصوص...
وأنا راجعتن من المطرسه إلا وأقابل صلوح وقراعيطه تبرق وأبتسم له ذيك
البسمة اللي خلت كل السوس يطلع وينسحر الوليد قلت :
صلوحي أود أن أشكرك على فزعتك لي البارحة , ياله من جميل لا أعرف كيف أرده لك يا أسطى!
صلوحي : لا متعتليش هم , ثكلتس أميمتس يالمرجوجه لاعمرتس
تسرقين شي( وي على أخلاقه , دا حتة جنتل محصلتش!)
إذا بغتين تسرقن شي أنتي والدبيه قولولنا أنا وعزوز نسرق لكن , فضحتونا !
الموهيم وتتوطد صداقتي أنا وصلوح وتتصفد عرى صداقتي أنا والدبيه حصوص
الموهيم ولا أميمتي جامعتن أم صويلح وأم عزوز وأم نويصر للسهرة ,,,خخخ مايتركن فلم
مصري مايفصفصن ويتكركثن (ياكلن كراث )
عليه مع الزنجبيل, ويقعدن يحشن برجالهن , همن لا جاء مقطع مهب اللي,
صرفونا أنا وصلوح وسوير وحصوص الدبيه وعزوز الجحش!
ودي بس أدري ليش وكلنا نطلع إلا صلوح ماأدري ليش يعيي (يرفض) يطلع! خخ
إلا ويجي ذاك اليوم ويعرض التلفزيون فلم السهرة ميرفت أمين تحبلها ذاك أبو شوارب ,
وهات يالصياح أمي ورفيقاتها وحنا
(أنا وعزوز وحصوص وسوير ) ماندري ليش , وصلــــــــــــــوح عيونه تلاقط من
التركيز التسلب فاهم السالفه شكله
ويجي باتسر ويلحقني صلوح قال تعالي أبقولتس شي لاتعلمينه أحد!<<هالخسيس!هه
عاد ياحبي للأسرار اللي أول ماتوصل لمستودعها الأمين تسرب>>والله ماأدري من يسربها
- ايه وش عندك صلوح؟
- شفتي الفلم اللي أمس وشلون البطل والبطله يحبون بعض؟
- ايه!!
- خلاص وش رايتس نبدأ نحب بعض؟
- خلاص أزهله (خخخخ) بس متى نبدأ نحب بعض؟
- ههههههههههههههاي , من الان يالدبشه!
- (بقلبي : أموت على البدايه الرومنصيه!) لا الآن عندي واجبات ماأقدر أحبك أسفه !
- خلاص بكره إذا طلعتي من المدرسة أمرتس!
- وشو له؟
- لأننا نحب بعض!
- يعني تسرق لي شي من ألبقاله.
- أيه أصرقلتس البقاله كلها إن بغيتي .
- خلاص أجل أنا أحبك صدز
- عمأ صدز ماتستحين ودلخة أنا اللي مفروض أقولتس أحبتس قبل.
- أحمد ربك بس أنت وقراعيطك!صدق ناس ماتنعطى وجه
ويجي بكره وأطلع من مطرستي الا وصلوحي متزكرت وقاعدن يحتريني , ومير تحمر خديداتي
وأقول لسوير ونوير والدبه حصوص : يالله بنات أبروح مع حبيبي زي ميرفت أمين.
وأنا ياللي أقفز ببهجة الغرام لين نصيته وهو متغبي ورا سياره , عشان الفراش
مايشوفه ويلعن أمن جابته!
وتطير عيونهن البنات يوم شافني صادزه ويركضون يطقون على باب بيتنا ماأدري ليش!
وأروح أنا وصلوح في أجمل رحله بديناها بالبقاله وبعدين خلصت الأماكن الساحيه ولا ندري وين نروح ,
عاد أنا أقترحت عليه اننا نروح للسينما زي سوزي هي وحمدي.
وأعجبته الفكره بس عاد مالقينا سينما<<صدز والله؟
المهيم قال صلوح مافيه الا تلفزيوننا يجي فيه الليث الأبيض قوه نشوفه .
ومشينا ولسان حالنا يقول " ياسلام وياسلام ......أد ايه حلو الغرااااااااااااااااااااام"
ايه والله وتفرح بي أم صلوح وتحطلنا الغداء وأتغدى عندهم ويوم صار العصر وتذكر ان لي أهل
وأودع قطعة قلبي صلوح وأروح , الا وأثر ابوي وأمي طاقتن عروقهم !
- وينتس؟
- ببراءه : مع حبيبي !
-ويزبد أبوي ويلتقط أنفاسه ويقردني عشان أعطيه العلوم : حبتس القراده, منهو حبيبتس؟
-صالح ولد أبو صالح!
- التسلب ! طالع على أبوه راعي حريــــــــــــــــــــــــــــــــــــــــــــم!!
هذا وتوه مابلغ وش بقى لبعدين!
أنا أفكر " معأوله؟ معأوله أبو صالح يطلع كده؟ لا لأ لازم أسأ ل صلوح يمكن فيه لبس!"
وتلقطني أمي قالت وين رحتوا ووين جيتوا , وبالأخير وصوني أني ماأقرب هالولد لأنه معه
الدكتوراه بالصياعه !
وأنا ياللي أمشي راجعتن من المطرسه ويجيني صلوح ..
- وش بتس مبرطمه!
- طس أنت شرير وأبوي يقول أن أبوك حرمه!
- حرمه؟
- أيه حرمه , مره , وومن, مدموزيل !
- خخخ , لأ أجل يمكن أمي هي الرجل!
- ياربيه! حتى أمك طلعت رجل !أنت عايش معهم من زمان ولا تدري عنهم.
- أقول بس يالدبشه قوه نستانس زي أمس!
- لأ مستحيل , أهلي بيذبحوني!
- ايه هذا اللي صار بالفلم و هربت البطله مع البطل! وش رايتس نهرب ؟
- اللـــــــــــه! بس وين نروح؟
- ماأدري بس أهم شي أننا نهرب, خلاص روحي لبيتكم وجيبي الأغراض اللي
تبينهن ولايدرون أهلتس خليه سر!
- طيب , طيب! ياسلاااااااااااااااااام أبهج
وأنا ياللي أطير لبيتنا ,اخذ كم خلق وفرشاة شعري وأحطهن بشنطة المطرسه وأطلع بخفوت ..
وأنا طالعه وأسمع أبوي وأمي بالصاله وأدخل عليهم ..
قلت : يبه يمه مع السلامه!
-ويــــــــــــــــــــــــــــــــن؟
-أبهج أنا وصلوح بس لاتعلمون أحد!ويمكن أرجع لكم بس مهب قريب ,
بس قلتلكم عشان ماتحتروني على الغداء مرة ثانيه!
<<بالله قد شفتوا زي هالثقة!!
-أبوي الشرر يتطاير من عيونه وأمي فاطستن ضحك , دادي : هو اللي قالتس الفكره؟
-ايه هو , هو يقول وش زود سوزي وحمدي عنا!
- أقول انثبري هنيا , خلي أروح أشوف لي صرفه مع هالصايع هو وأبوه.
طن طن! ويطلع أبوي وعقبه الولد اذا اشافني ارتاع وصارت أمي ورفيقاتها يصرفوننا من
بداية فلم الصهره >>>برضه ماأدري ليش
وانتهت السالفة واستروا ماواجهتوا
و ترااها خمبقة ماحصلتش على أرض الواااقع’’
والله اعجبتني هالقصه مره
م
ن
ق
و
ل
